Vital klinika stasionar, ambulator və səyyar tibbi xidmət göstərən geniş profilli tibbi müəssisədir. Klinikanın stasionar şöbəsində ayrıca Doğum Evi fəaliyyət göstərir ki, burada təbii doğuş və keysəriyyə əməliyyatları olunur. Stasionarda ümumi cərrahi, ginekoloji, plastik cərrahiyyə, burun-boğaz, göz, travmatoloji, neyrocərrahiyyə əməliyyatları açıq, laparaskopik, lazer və mikroskopik üsullar ilə həyata keçirilir. Klinikada Respublikanın tanınmış və təcrübəli cərrahları əməliyyatlar edir. Klinikanın cərrahiyyə bloku Almaniya və ABŞ-ın ən müasir avadanlıqları ilə tam təchiz olunub. Poliklinika şöbəsində ultrasəs müayinəsi, rentgen, laboratoriya, endoskopiya, EKQ, EXO-KQ, EEQ və s.diaqnostik xidmətlər göstərilir. Ambulator olaraq ginekoloq, terapevt, pediatr, hematoloq, hepatoloq, nevropatoloq, kardioloq, oftalmoloq, otorinolorinqoloq, psixoterapevt, travmatoloq və s.həkimlər xidmət göstərir. Klinikada Reabilitasiya Bərpa Mərkəzi fəaliyyət göstərir, həmçinin ozonoterapiya, transfuziologiya, hidrokolonoterapiya, fizioterapiya, iynəbatırma, hirudoterapiya (zəli) üsulu ilə müalicə, lazer epilyasiya, stomatologiya və s.müalicə kabinetləri fəaliyyət göstərir. Vital klinika sığorta şirkətləri ilə əməkdaşlıq edir. Sığortalı xəstələrin müayinəsi, müalicəsi və əməliyyatları həyata keçirilir. Klinikada ənənəvi olaraq kimsəsiz uşaqlara və kimsəsiz qocalara təmənnasız olaraq tibbi xidmət göstərilir.